Andijon viloyati jahonning 70 mamlakati bilan savdo aloqalarini amalga oshirib kelmoqda. TSAning nisbatan salmoqli hissasi Koreya Respublikasida (30,5 %), XXRda (24,3 %), Qozog‘istonda (10,4 %), Rossiya Federatsiyasida (6,0 %), Qirgʻiz Respublikasida (5,9 %) va Braziliyada (4,6 %) qayd etilgan.Xususan, Qirgʻiz Respublikasi, Qozog‘iston va Tojikiston kabi qo‘shni davlatlar bilan TSAda so‘nggi yillarda katta o‘zgarishlar kuzatilayapti. Misol uchun, so‘nggi uch yilda TSA Qozog‘iston va Qirgʻiz Respublikasi bilan 1,3 barobarga oshdi.
