Dastlabki maʼlumotlarga asosan, 2022-yilning yanvar-dekabr oylarida respublika boʻyicha jami 8 129,3 mln. dona tuxum olindi, ushbu koʻrsatkich 2021-yilning mos davriga nisbatan 104,4 % ni tashkil etdi. Olingan tuxum umumiy hajmining eng yuqori ulushi Toshkent viloyati (17,9 %) hissasiga toʻgʻri keldi. Shu bilan birga, Samarqand (15,7 %), Andijon (9,2 %) va Namangan (8,0 %) viloyatlarida ham olingan tuxumning yuqori koʻrsatkichlari qayd etildi.
