2022- yilning yanvar-sentabr oylari yakunlariga ko‘ra, Andijon viloyatida YAHM hajmi joriy narxlarda 37 065,6 mlrd. so‘mni tashkil etdi va 2021- yilning yanvar-sentabri bilan taqqoslaganda 9,2 % ga o‘sdi. Quyidagi asosiy tarmoqlarda ijobiy o‘sish kuzatildi: qishloq, o‘rmon va baliqchilik xo‘jaligida 103,8 % (YAHM tarkibidagi ulushi – 39,7 %), sanoatda 124,8 % (23,5 %), qurilishda 106,8 % (6,0 %) va xizmatlar sohasida 106,1 % (30,8 %). Aholi jon boshiga hisoblangan YAHM 11 304,3 ming so‘mni tashkil etdi va 2021- yilning yanvar-sentabriga nisbatan 7,0 % ga o‘sdi.
