Joriy yilning 22-dekabr kuni viloyat Statistika boshqarmasi yosh xodimlari uchun Andijon shaxridagi “DINAR GROUP” MCHJ ning mato bo’yash jarayoni bilan yaqindan tanishish maqsadida ekskursiya tashkil etildi.
Andijon shahridagi, ikki yil oldin qarovsiz holda bo‘lgan tajriba-sinov zavodi o‘rnida bugun DINAR GROUP tekstil korxonasi faoliyat yuritmoqda.
Korxonaning mato to‘qish fabrikasida Xitoy va Italiyada ishlab chiqarilgan zamonaviy uskunalarni boshqarayotgan yoshlar mas'uliyatli ish bilan band. Sex ishchilari soni 300 nafar. Ular kuniga 40 tonna matoga bo‘yoq berishadi.
Ekskursiya davomida xodimlar fabrikaning ishlab chiqarish jarayonlari, texnologik qurilmalari, xususiyatlari, mahsulotlar turi va sifati, shuningdek statistik hisobotlardagi birlamchi buxgalteriya maʼlumotlarining shakllanishi bilan yaqindan tanishib, oʻzlarini qiziqtirgan savollariga mutaxassislar tomonidan batafsil ma’lumotlar oldi.