Joriy yilning 14-iyun kuni Oʻzbekiston Respublikasi Prezidenti huzuridagi Statistika agentligida Qoraqalpogʻiston Respublikasi, viloyatlar va Toshkent shahar statistika boshqarmalarining Statistik registrlarni yuritish va tizimli xizmat ko‘rsatish boʻlimi xodimlari uchun korxona va tashkilotlar yagona davlat registri (KTYADR) bazasini shakllantirish va ularni yuritish masalalariga oid ishlar holati va kelgusidagi ustuvor vazifalar yuzasidan vebinar tashkil etildi.
Shuningdek, vebinarda xodimlarga Statistika agentligi statistika kengashi yig‘ilishining 1-son bayonida sohaga oid ko‘rsatilgan ustuvor vazifalar tushuntirildi hamda ularni qiziqtirgan savollariga atroflicha javob berildi.
Vebinar yakunida Statistik registr boʻlimi xodimlariga oʻtkazilgan vebinar masalalari boʻyicha test savollari berilib, ularning mavzuni oʻzlashtirganlik darajasi baholandi.
