2024-yilning 28-mart kuni Korrupsiyaga qarshi kurashish agentligi va ekspertlar guruhi tomonidan Statistika agentligi tizimida 2023-yil davomida korrupsiyani oldini olish va unga qarshi kurashish boʻyicha amalga oshirilgan ishlar baholandi.
Statistika agentligi va hududiy boshqarmalarda korrupsiyani oldini olish va unga qarshi kurashish chora-tadbirlarilari natijasi ekspertlar tomonidan 84 ball bilan baholandi. Statistika agentligi ushbu natija bilan vazirlik va idoralar oʻrtasida 21-oʻrinni egalladi.
Kelgusida bu boradagi ishlarni yanada yaxshilash, mehnat jamoasida korrupsiyaviy omillarga nisbatan ommaviy immunitetni shakllantirish hamda sogʻlom muhitni yaratish maqsadida strategik rejalar ishlab chiqiladi.
