So'nggi yangiliklar

Respublikamizda 2023-yilning yanvar-sentabr oylarida 67 956 ta yangi tadbirkorlik subyektlari (fermer va dehqon xo‘jaliklarisiz) tashkil etildi. Ularning so‘nggi besh yilning mos davridagi dinamikasi quyidagicha:

Joriy yilning 2-noyabr kuni O‘zbekiston Respublikasi Prezidenti huzuridagi Statistika agentligi xodimining Qozog‘istonning Olmaota shahrida Xalqaro valyuta jamgʻarmasining Kavkaz, Markaziy Osiyo va Mo‘g‘uliston davlatlari uchun salohiyatni rivojlantirish mintaqaviy markazi tomonidan “Resurslar va ishlatilish jadvallari” mavzusida tashkil etilgan mintaqaviy seminardagi ishtiroki natijalari bo‘yicha taqdimot o‘tkazildi.

Andijon viloyatida 2023-yil yanvar-sentabr oylarida jami ishlab chiqaradigan sanoat tarkibida paxtani qayta ishlash va ip gazlama sanoatining ulushi 8,6 %ni (2022-yilning yanvar-sentabr oylariga nisbatan fizik hajm indeksi 108,6%) tashkil etdi.

Joriy yilning 2-oktabr kuni Andijon viloyati statistika boshqarmasi boshlig‘i N.G‘.To‘xtaboyev hamda Asaka tumani statistika bo‘limi boshlig‘ Z. Bozarboyev bilan birgalikda Asaka tumanida sanoat sohasida faoliyat yuritayotgan Yakka tartibdagi tadbirkorlarning 4-sanoat (JSh) kuzatuvi bo‘yicha belgilangan nuqtalarga chiqib kuzatuv nazorati o‘tkazdilar.

Joriy yilning 3-noyabr kuni Andijon viloyati statistika boshqarmasi boshligʻining birinchi oʻrinbosari M. Yusupov hamda “Investitsiya va qurilish statistikasi” boʻlimi boshlig‘i X. Xoldarovlar tomonidan hududlarda 4 TJ soʻrovnoma oʻtkazish boʻyicha tuman (shahar) statistika boʻlimidan jalb qilingan intervyuyerlar ishtirokida masofaviy videoaloqa orqali seminar tashkil etildi.

2023-yil yanvar-sentabr oylarida iqtisodiy faoliyat turlari bo‘yicha o‘rtacha oylik ish haqining eng yukori ko‘rsatkichi–axborot va aloqa sohasi to‘g‘ri kelib, o‘tgan yilning mos davriga nisbatan o‘sish darajasi 206,0 % ni tashkil etdi.

2022-yil davomida Andijon viloyatida ichki turizm bo‘yicha 15 927,9 ming safar amalga oshirilgan bo‘lib, ulardan qarindosh va yaqinlarini ko‘rgani borish bo‘yicha safarlar jami safarlarning 44,4 % ni hamda ta’til va bo‘sh vaqtlarda dam olish safarlari 40,3 % ni tashkil etgan holda eng yuqori ko‘rsatkichni qayd etdilar.

O‘zbekiston Respublikasida 2023-yil yanvar-sentabr oylarida kichik tadbirkorlik subyektlari tomonidan asosiy kapitalga o‘zlashtirilgan investitsiyalar hajmi 118 124,6 milliard so‘mni yoki 2022-yilning yanvar-sentabriga nisbatan o‘sish sur’ati 113,8 % ni tashkil qildi.

2023- yilning 1- oktabr holatiga viloyatimizda jami 2 130 ta qurilish korxonalari faoliyat ko‘rsatib kelmoqda. Bundan tashqari 2023- yilning yanvar- sentabr oylarida 228 ta yangi qurilish korxonalari tashkil etildi.

2023-yilning yanvar-sentabr oyida Andijon viloyati yirik korxonalarining tovar aylanmasi 1 002,9 mlrd. so‘mni (o‘sish sur’ati 2022-yilning mos davriga nisbatan 106,5 %) tashkil etdi.

Viloyatda tashqi savdo aylanmasi tarkibida eng yuqori ulushni Asaka tumani 65,5 % ulush bilan 2 368,2 mln. AQSh dollarini, eng quyi ulushni esa Ulug‘nor tumani 0,5 % ulush bilan 16,7 mln. AQSh dollarini tashkil etdi.

Andijon viloyatida 2023-yil 1-oktabr holatiga ko‘ra, kichik tadbirkorlik subyektlari umumiy sonining (24 559 birlik) 61,9 foizi yoki 15.200 birligi xizmatlar sohasida faoliyat ko‘rsatadi.

2023-yilning 1-oktabr holatiga ko‘ra, Andijon viloyatining hududlar bo‘yicha faoliyat yuritayotgan kichik korxona va mikrofirmalarning eng ko‘pi Andijon shahrida 6 635 tani yoki jamiga nisbatan 27,0 % ni tashkil etdi.

Andijon viloyatida 2023-yil yanvar-sentabr oylarida kichik korxona va mikrofirmalar bo‘yicha yangi qurilish hisobidan 2 278,3 mlrd. so‘m yoki jami kichik korxona va mikrofirmalarning yangi qurilish ishlaridagi ulushi 59,7 % ni tashkil etdi.

2023-yilning yanvar-sentabr oylarida yetishtirilgan chorvachilik mahsulotlarining umumiy hajmi 145 139,3 mlrd. soʻmni yoki 2022-yilning mos davriga nisbatan 103,3 % ni tashkil etdi. Yetishtirilgan qishloq xoʻjaligi mahsulotlarining umumiy hajmida chorvachilik mahsulotlarining ulushi 51,4 % ni tashkil qildi.

Oʻzbekiston Respublikasida 2023-yilning yanvar-sentabr oylarida jami yirik korxonalar tomonidan 41,1 ming tonna neft koksi ishlab chiqarilgan boʻlib, mazkur ishlab chiqarish 2022-yilning tegishli davriga nisbatan 17,8 % ga oshgan. 

Andijon viloyati bo‘yicha asosiy kapitalga investitsiyalarning texnologik tarkibida mashina, uskuna va inventarlarga 3 519,4 mlrd. so‘m investitsiyalar o‘zlashtirilgan bo‘lib, jami investitsiyalarning 28,8 % ini tashkil etdi.

Statistika agentligining Inson resurslarini boshqarish boshqarmasi tomonidan tashkil etilgan tadbirda “Respublika va mahalliy ijro etuvchi hokimiyat organlarida inson resurslarini boshqarishga oid maʻlumotlar va hujjatlarni “hrm.argos.uz” elektron platformasida shakllantirish va yuritish tartibi haqida maʼlumotlar berildi.